Xoghol fis-sistema tad-drenagg f'Marsalforn

It-Taqsima tad-Drenagg fi hdan is-Sezzjoni tax-Xoghlijiet, tas-Segretarjat Parlamentari ghal Ghawdex, ghadha kemm lestiet l-ewwel fazi ta' xoghol ta' rijabilitazzjoni fuq is-sistema tad-drenagg f'Marsalforn.

Ix-xoghol twettaq tul 1.5km ta' toroq residenzjali pemezz ta' CCTV, apparat elettroniku li jidhol fil-katusi tad-drenagg bil-ghan li jkunu identifikati hsarat. Haddiema tat-Taqsima kienu nvoluti f'xoghol ta' bdil ta' mains miksura u irrangar ta' komunikazzjonijiet ghall-main ewlieni tad-drenagg.

Xoghol simili kien tlesta s-sena li ghaddiet fix-Xlendi li b'rizultat tieghu kienu gew identifikati numru konsiderevoli ta' problemi fis-sistema li kienu qed jikkawzaw tniggiz tal-bajja f'din il-lokalita'.