Aktar titjib fl-Iskemi ta' l-Awtorita' tad-Djar

Bhala parti mill-process ta' titjib fl-iskemi ta' ghajnuna li toffri l-Awtorita' tad-Djar, b'effett immedjat ttiehdu passi biex il-beneficjarji jiffrankaw kemm zmien biex jinqdew kif ukoll hlasijiet professjonali. Gie deciz infatti li dawk li japplikaw biex jirrangaw r-residenza taghhom mhux se jigu obbligati izjed li jqabbdu perit privat biex jaghmlilhom rapport u stima tat-tiswijiet li jkunu jinhtiegu. Ir-rapport u l-istima se jibdew isiru mit-teknici ta' l-Awtorita' stess. Dan it-titjib jaghmel parti minn programm li tfassal fuq inizjattiva tal-Ministru ghad-Djar, is-Sur Alfred Portelli, biex l-iskemi jitjiebu u jsiru aktar semplici u accessibbli ghac-cittadini.

Minn dan it-titjib se jibbenefikaw dawk li japplikaw taht l-iskemi L, N u dik Numru Tlieta. L-iskema L hi dik li toffri ghajnuna biex jigu rrangati residenzi privati okkupati mill-inkwilini. Skema N toffri ghajnuna ta' rrangar u titjib fi djar privati okkupati jew se jigu okkupati mis-sidien. Skema numru 3 tipprovdi ghal ghajnuna lil dawk li joqghodu f'post tal-gvern izda li l-qliegh taghhom ma jaqbizx l-Lm2,600 fis-sena. Skema numru 3 giet introdotta dan l-ahhar u se tibda fis-sehh minn nhar it-Tnejn 20 ta' April 1998.

Is-sena l-ohra kien sar titjib fiz-zewg skemi N u L b'mod li bdew jinghataw flus biex jinbnew kmamar addizzjonali biex certi djar isiru adekwati ghall-okkupanti taghhom. Titjib iehor kien li bdiet tinghata ghajnuna ohra ta' flus biex titnehha l-umdita'.

It-tliet skemi imsemmija jipprovdu ghajnuna ta' flus biex isiru tiswijiet fi strutturi, bdil ta' stallazzjonijiet tad-dawl u l-ilma, stallazzjonijiet u rrangar ta' kmamar tal-banju, twahhil ta' madum, tiswijiet fis-sistema tad-drenagg, aperturi u anke water proofing ta' soqfa. Il-Ministeru ghad-Djar permezz tad-Dipartiment tal-Bini u Tiswija ta' Djar jaghmel tiswijiet fil-partijiet komuni ta' appartamenti tal-Gvern u anke xoghol fuq hsara strutturali fl-istess appartamenti.