Il-Ministru Alfred Portelli jiltaqa' mal-Kunsill Lokali ta' tas-Sliema

Il-Ministru ghad-Djar u Kunsilli Lokali, is-Sur Alfred Portelli, illum kellu laqgha mal-Kunsill Lokali ta' Tas-Sliema. Din kienet wahda minn sensiela ta' laqghat li l-Ministru qieghed jaghmel mad-diversi Kunsilli Lokali biex fihom jigu diskussi suggetti ta' interess ghalihom u biex fihom tigi mfissra lilhom il-politika tal-Gvern dwar il-Kunsilli Lokali.

Il-Ministru qal li huwa konxju tal-fatt li Tas-Sliema hija l-akbar belt kummercjali li hawn fil-pajjiz u hija lokalita' unika meta tqis li fiha hemm 850 bejn hwienet u centri kummercjali, 60 lukanda u 7,000 units residenzjali. Huwa kompla jghid li Tas-Sliema hija wkoll fost l-aktar bliet popolati fil-pajjiz, tant li ghandha 13,600 ruh jghixu f'zewg kilometri kwadri. Ma' dawn wiehed irid izid ukoll eluf ta' nies ohra li jmorru Tas-Sliema kuljum biex jahdmu fl-istabbilimenti u ufficini li hemm f'dan il-lokal u nies ohra li jzuru dan il-post fil-hin liberu taghhom.

Il-Ministru qal li minkejja dawn id-diffikultajiet kollha il-Kunsill ta' Tas-Sliema hadem u sab flus mhux biss biex jaghmel dak li hu obbligat jaghmel bhala Kunsill, imma wkoll ghamel xoghol iehor li ma jaqax fid-doveri stabbiliti tieghu. Huwa semma x-xiri ta' bini biex iservi ta' Centru tal-Gurnata ghall-Anzjani, twahhil ta' bankijiet godda fi Qui-Si-Sana, servizz ta' handyman ghall-anzjani li jghixu wahedhom, twassil b'xejn fid-djar ta' medicinali u materjal iehor sanitarju lil dawk li jghixu wahedhom u servizzi ohra.

Is-Sur Portelli qal li l-Gvern prezenti gdid huwa kommess li jestendi s-setghat tal-Kunsilli Lokali u dwar dan qeghdin isiru bosta laqghat biex dak li hemm ippjanat jitwettaq ma jdumx. Huwa semma li hemm il-hsieb li l-Kunsilli jinghataw ir-responsabbilta' ta' hrug ta' certi permessi li sal-lum jinsabu f'idejn il-Pulizija u anke qieghed jahseb biex ikun jista' jitwettaq il-programm tad-delega ta' l-infurzar ta' certi ligijiet, permezz ta' l-ingagg ta' gwardjani legali. "Dan kollu jrid jitwettaq fid-dawl tal-politika moderna u li thares fit-tul li qieghed ihaddan Gvern Laburista gdid", qal il-Ministru.

Huwa kompla jghid li f'laqghat bhal dawn, ma' Kunsilli Lokali, huwa jgorr mieghu wkoll id-dikasteru l-iehor li ghandu, li huwa dak bhala Ministru ghad-Djar. Huwa qal li Tas-Sliema ghandha l-problemi partikolari taghha tad-djar ghaliex f'dan il-lokal huma ftit id-djar li jitbattlu ghall-allokazzjoni. F'dan il-lokal id-Dipartiment ghall-Akkomodazzjoni Socjali ghandu quddiemu 175 applikazzjoni minn nies li jridu akkomodazzjoni alternattiva. Minkejja din l-iskarsezza kbira ta' stokk ta' djar, id-Dipartiment f'dawn l-ahhar 18-il xahar alloka disa' postijiet. Barra minn hekk l-Ufficcju Kongunt fl-istess perjodu pprocessa u hadem il-kuntratti ta' 28 minn 39 inkwilini f'Tas-Sliema li jridu jixtru darhom.

L-Awtorita' tad-Djar allokat ukoll 10 postijiet ohra lill-applikanti minn Tas- Sliema minn dawk li harget taht l-avvizi 60 u 61. Il-Ministru zied jghid li kien ta' pjacir ghalih li qieghed izur Tas-Sliema fi zmien meta l-Kumitat ta' Azzjoni ghat-Tisbieh ta' Tas-Sliema ghadu kif ipprezenta l-proposti tieghu ghal dan il-progett modern u ambizzjuz.

Mal-wasla tieghu fil-bini tal-Kunsill Lokali l-Ministru gie milqugh mis-Sindku, is-Sur Robert Arrigo, li ntroduca lit-tmien Kunsillieri li jaghmlu l-Kunsill ta' dan il-lokal. Prezenti kien hemm ukoll kapijiet ta' dipartimenti li jaqghu taht il-Ministeru, ufficjali tal-Ministeru u s-Segretarju tal-Kunsill Lokali ta' Tas- Sliema.