Riceviment ghal tfal bi bzonnijiet specjali

Grupp ta' tfal bi bzonnijiet specjali mill-Unit Specjali ta' l-Iskola Primarja Ta' Sannat, kienu l-mistiedna tas-Segretarju Parlamentari ghal Ghawdex Dr Anton Refalo ghal riceviment li sar fis-Segretarjat Parlamentari ghal Ghawdex.

Ir-riceviment sar fi tmiem il-programm edukattiv 'Wens fis-Sajf', li permezz tieghu f'dawn l-ahhar xhur tfal bi bzonnijiet specjali setghu jattendu l-iskola tas-sajf akkumpanjati minn staff professjonali. Fi tmiem 'Wens fis-Sajf' li sar fil-Unit ta' Sannat, kull tifel u tifla attendew ukoll l-iskejjel ta' l-irhula rispettivi taghhom u setghu jaghmlu hbieb ma' tfal mill-lokalitajiet taghhom li kienu qed jattendu Skola Sajf.

Is-Segretarjat Parlamentari ghal Ghawdex stieden lit-tfal, lill-genituri taghhom u lill-edukaturi li kienu nvoluti f''Wens fis-Sajf' ghal riceviment fis-sala tas-Segretarjat bil-ghan li jkun hemm bdil ta' idejat dwar din l-inizjattiva li ntlaqghet tajjeb hafna.