Centru ta' distribuzzjoni gdid ta' l-Enemalta f'Kemmuna

L-Onorevoli Ninu Zammit, Segretarju Parlamentari responsabbli ghall-Ilma u l-Energija ta taghrif dwar ix-xoghol li jinsab ghaddej bhalissa fuq id-Distribution Centre li qieghed jinbena gewwa Kemmuna. Huwa qal li sal-1987 l-elettriku ghal Ghawdex u Kemmuna kien jigi mwassal permezz tas-sistema tal-11kV b'zewg cables li kienu gew stallati fl-1958 u cable tat-33kV li gie stallat fl-1981 u thaddem ghall-ewwel bl-11kV.

Peress li l-cables il-qodma kienu ta` spiss jizviluppaw hsarat u peress li d-domanda ghall-elettriku ghal Ghawdex kienet qed tizdied gmielha sar pjan biex is-sistema tat-33kV tigi estiza bejn il-Mellieha u Ghawdex. Ghal dan il-ghan fl-1987 tlestew linji godda tat-33kV bejn il-Mellieha u l-Marfa fejn saret switchroom, gie stallat submarine cable iehor tat-33kV ghal Ghawdex u fil-Qala Ghawdex tlesta Centru tad-Distribuzzjoni tat-33kV, u z-zewg cables tal-11kV tal-1958 thallew jintuzaw biss biex jissupplixxu Kemmuna fejn hemm lukanda, pompi ta' l-ilma u drenagg, il-pig farm u xi abitazzjonijiet.

Ghalkemm il-hsarat f'dawn il-cables qodma saru inqas frekwenti minhabba li kien naqas il-kurrent, xi hsarat baqghu jizviluppaw. Ghar-ragunijiet ta` reliability ahjar fis-supply, kif ukoll sabiex tigi evitata kemm jista` jkun din l-ispiza zejda fuq il-manutenzjoni ta` cables antiki, sar pjan biex isir Centru ta` Distribuzzjoni fuq Kemmuna li jigi mqabbad mal-cables tat-33kV li ghaddejjin minn Kemmuna, u s-sistema tal-11kV ta` Kemmuna tigi mqabbda ma' dan ic-centru.

Il-post tac-Centru ntghazel wara diskussjonijiet fit-tul mal-Awtorita` ta' l-Ippjanar biex waqt li min-naha wahda l-posizzjoni tac-Centru tkun adekwata ghas-sistema ta' l-elettriku, min-naha l-ohra l-bini ma jaghmilx hsara lill-ambjent naturali ta` Kemmuna. Fil-fatt ic-Centru nbena f'post fejn kien hemm barriera qadima.

Ix-xoghol tal-bini nbeda s-sena l-ohra meta gie wkoll ordnat l-apparat li kien hemm bzonn, bhal switchboard tat-33kV u zewg transformers tas-6.3MVA li kull wiehed minnhom huwa bizzejjed biex jaqdi l-bzonnijiet prezenti ta` Kemmuna u wkoll xi bzonnijiet li jista` jkun hemm fil-futur. Huwa mahsub li c-Centru l-gdid jithaddem lejn l-ahhar tas-sajf.

Vantagg iehor li ser johloq dan ic-Centru jikkoncerna l-flessibilita` fl-operazzjoni taz-zewg cablestat-33kV meta jkun hemm xi hsarat fuqhom. Dan kollu ser jissarraf fi provvista ahjar ghal Kemmuna u Ghawdex. L-investiment totali fuq l-installar u l-bini ta` dan id-Distribution Centre ta` Kemmuna huwa ta` madwar Lm330,000.

Ta` min wiehed isemmi wkoll li f'Mejju, z-zewg transformers tal-15MVA li servew il-htigijiet ta` Ghawdex mil-1987 inbiddlu ma' tnejn tat-30MVA peress li d-domanda ta` Ghawdex issa lahqet it-18MVA u ghalhekk transformer wiehed ma kienx ikun bizzejjed jekk l-iehor ikun bil-hsara. L-Enemalta ghandha wkoll il-hsieb li tibdel is-switchboard tal-11kV tac-Centru tad-Distribuzzjoni tal-Qala u testendi dik tat-33kV bi preparazzjoni biex fis-snin li gejjin jigi stallat it-tielet submarine cabletat-33kV bejn Malta u Ghawdex.

Dan ix-xoghol flimkien ma' xoghol iehor tal-espansjoni tas-sistema tat-trasmissjoni tal-132kV bejn il-Marsa u l-Mosta u xoghol fuq cirkwiti godda tat-33kV li qed isiru bhalissa bejn il-Mosta u l-Mellieha u bejn il-Mellieha u l-Marfa ghandhom issahhu ferm is-sistema ta' l-elettriku fil-Majjistral ta` Malta u Ghawdex.