Il-President ta’ Malta Marie-Louise Coleiro Preca u s-Sur Preca jżuru l-istamperija fejn qed jiġi stampat il-ktieb tat-tisjir ‘TISJIR MILL-QALB 2015’ b’risq il-Malta Community Chest Fund.

​Il-President u s-Sur Preca rringrazzjaw lis-Sur Mario Abela u lis-sinjura tiegħu li flimkien mal-ħaddiema tal-istamperija tiegħu jistampaw dan il-ktieb ta’ kull sena bla ħlas biex jinġabru fondi għall-Malta Community Chest Fund.  Il-Ktieb ‘TISJIR MILL-QALB’ se jiġi varat il-ġimgħa d-dieħla, 3 ta’ Novembru fil-Kitchen Garden, b’riċetti uniċi u differenti ħafna mis-snin li għaddew.