Mur Lura
Press Photos
18/12/2018
Il-Prim Ministru Joseph Muscat, flimkien mal-Ministru għall-Affarijiet Barranin u Promozzjoni tal-Kummerċ Carmelo Abela u s-Segretarju Parlamentari għar-Riformi, Ċittadinanza u Simplifikazzjoni tal-Proċessi Amministrattivi Julia Farruġia Portelli, ġew milqugħin mill-Maltin li jgħixu fl-Awstrija fl-Ambaxxata ta’ Malta fi Vjenna. Waqt riċeviment sabiex jitfakkar l-44 anniversarju minn meta Malta saret repubblika, il-Prim Ministru Joseph Muscat irringrazzja lill-Ambaxxatriċi Natasha Meli Daudey tax-xogħol utli li qed tagħmel biex tkompli ssaħħaħ ir-rabtiet bejn iż-żewġ pajjiżi.
Il-Prim Ministru Joseph Muscat sellem lill-Maltin li kienu preżenti u rringrazzjahom talli jkomplu jagħmlu unur lil pajjiżna permezz ta’ diversi xogħlijiet li qed jagħmlu barra minn xtutna. L-Ambaxxatriċi għall-Awstrija qalet li l-Maltin li jgħixu fl-Awstrija huma l-veru ambaxxaturi għall-pajjiżna.
Minbarra numru ta’ persuni li jgħixu fl-Awstrija involuti f’diversi oqsma tal-kummerċ bħas-sigurtà u turiżmu fost l-oħrajn, preżenti wkoll kien hemm numru ta’ konsli onorarji.
Ixxerja dan l-artiklu
